کیا کیا ہیں گلے اس کو بتا کیوں نہیں دیتا

کیا کیا ہیں گلے اس کو بتا کیوں نہیں دیتا

تعزیر خطا مجھ کو سنا کیوں نہیں دیتا

ہیں ناوک دل دوز مرے یار کے تیور

اک بار وہ سب تیر چلا کیوں نہیں دیتا

یک طرفہ محبت کے تذبذب سے تو نکلوں

اس راز سے پردہ وہ ہٹا کیوں نہیں دیتا

لکھتا بھی ہے مجھ کو سر قرطاس محبت

مذموم جو لگتا ہوں مٹا کیوں نہیں دیتا

اتنا ہی فسردہ ہے اگر حال پہ میرے

جلوہ کبھی اپنا وہ دکھا کیوں نہیں دیتا

سر گرم سفر ہوں میں ترے دشت میں کب سے

مجھ کو مری منزل کا پتا کیوں نہیں دیتا

خوابیدہ نصیبی بھی تو تیری ہی عطا ہے

سوئی مری تقدیر جگا کیوں نہیں دیتا

جو تاب تماشا ہی نہیں اس میں رضاؔ تو

وہ آتش فرقت کو بجھا کیوں نہیں دیتا

kya kya hain gale us ko bata kyun nahin deta

taazir khata mujh ko suna kyun nahin deta

hain nawak-e-dil doz mire yar ke tewar

ik bar wo sab tir chala kyun nahin deta

yak turfa mohabbat ke tazabzub se to niklun

is raz se parda wo hata kyun nahin deta

likhta bhi hai mujh ko sar qirtas-e-mohabbat

mazmum jo lagta hun mita kyun nahin deta

itna hi fasurda hai agar hal pe mere

jalwa kabhi apna wo dikha kyun nahin deta

sar garm-e-safar hun main tire dasht mein kab se

mujh ko miri manzil ka pata kyun nahin deta

khwabida nasibi bhi to teri hi ata hai

soi miri taqdir jaga kyun nahin deta

jo tab tamasha hi nahin is mein raza to

wo atish-e-furqat ko bujha kyun nahin deta