یہ عشق و وفا کا صلہ کچھ نہیں

یہ عشق و وفا کا صلہ کچھ نہیں

کہا تھا کسی نے خدا کچھ نہیں

جو چاہا تھا تو نے کسی اور کو

مجھے یار تجھ سے گلہ کچھ نہیں

وہ پت جھڑ بہاروں کے مانند تھی

بہاروں میں اب کے کھلا کچھ نہیں

مری ایک خواہش نہ پوری ہوئی

یہ لگنے لگا ہے دعا کچھ نہیں

ضرورت انہیں لو کی اب آ پڑی

کہا کرتے تھے جو دیا کچھ نہیں

زمانہ کو کھلنے لگی ہے وفا

تو رحمانؔ تجھ سے برا کچھ نہیں

ye ishq-o-wafa ka sila kuchh nahin

kaha tha kisi ne khuda kuchh nahin

jo chaha tha tu ne kisi aur ko

mujhe yar tujh se gila kuchh nahin

wo pat jhar baharon ke manind thi

baharon mein ab ke khula kuchh nahin

miri ek khwahish na puri hui

ye lagne laga hai dua kuchh nahin

zarurat unhen lo ki ab a pari

kaha karte the jo diya kuchh nahin

zamana ko khulne lagi hai wafa

tu rahman tujh se bura kuchh nahin