وہی زمانہ وہی ماہ و سال اوڑھے ہیں

وہی زمانہ وہی ماہ و سال اوڑھے ہیں

بہت دنوں سے تمہارا خیال اوڑھے ہیں

شعاع مہر نے مجھ سے کہا بہ وقت شام

عروج والے یہاں سب زوال اوڑھے ہیں

ادب سے بیٹھیے آ کر کے ہم فقیروں میں

یہاں کے ٹاٹ نشیں سب کمال اوڑھے ہیں

سجائے بیٹھے ہیں وہ تہمتیں زبانوں پر

اور ایک ہم ہیں کہ اب تک مثال اوڑھے ہیں

خدا بچائے انہیں جنوری کی ٹھنڈک سے

جو شیت لہری غریبوں کے لال اوڑھے ہیں

انہیں میں قوم کا قائد تو کہہ نہیں سکتا

وہ بھیڑیے ہیں جو بھیڑوں کی کھال اوڑھے ہیں

ہمارے نام نہ ماضی نہ کوئی مستقبل

ہم اپنی حالت خستہ پہ حال اوڑھے ہیں

پھٹی قمیض دکھائی نہ دے کہیں قیصرؔ

اسی لئے تو یہ رنگین شال اوڑھے ہیں

wahi zamana wahi mah-o-sal orhe hain

bahut dinon se tumhara khayal orhe hain

shua-e-mehr ne mujh se kaha ba waqt-e-sham

uruj wale yahan sab zawal orhe hain

adab se baithiye a kar ke ham faqiron mein

yahan ke tat nashin sab kamal orhe hain

sajae baithe hain wo tohmaten zabanon par

aur ek ham hain ke ab tak misal orhe hain

khuda bachae unhen janwari ki thandak se

jo shet lahri gharibon ke lal orhe hain

unhen mein qaum ka qaid to kah nahin sakta

wo bheriye hain jo bhiron ki khal orhe hain

hamare nam na mazi na koi mustaqbil

ham apni halat khasta pe hal orhe hain

phati qamez dikhai na de kahin qaisar

isi liye to ye rangin shal orhe hain