کسی کو فکر جو دی ہے تو فن نہیں دیتا

کسی کو فکر جو دی ہے تو فن نہیں دیتا

وہ سب کو ایک سا طرز سخن نہیں دیتا

میں اپنی خانہ نشینی میں ہر طرح خوش ہوں

نہ دے کوئی جو مجھے انجمن نہیں دیتا

اسے خبر ہے کہ طرز خطاب جانتا ہوں

اسی لئے مجھے اذن سخن نہیں دیتا

بڑے نصیب سے ملتی ہے ایسی جامہ دری

خدا ہر ایک کو دیوانہ پن نہیں دیتا

بجھاؤ تم بھی اسے پھونک مار کے قیصرؔ

کوئی چراغ کی لو میں دہن نہیں دیتا

kisi ko fikr jo di hai to fan nahin deta

wo sab ko ek sa tarz-e-sukhan nahin deta

main apni khana nashini mein har tarah khush hun

na de koi jo mujhe anjuman nahin deta

use khabar hai ke tarz-e-khitab janta hun

isi liye mujhe izn-e-sukhan nahin deta

bare nasib se milti hai aisi jama dari

khuda har ek ko diwana pan nahin deta

bujhao tum bhi use phunk mar ke qaisar

koi charagh ki lau mein dahan nahin deta