زیست میں تاریکیاں بڑھتی گئیں

زیست میں تاریکیاں بڑھتی گئیں

لمحہ لمحہ سسکیاں بڑھتی گئیں

بے زبان جب ہو گئی یہ زندگی

ذہن میں سرگوشیاں بڑھتی گئیں

خواہشوں کے پھول مرجھانے لگے

پھر مری یہ ہچکیاں بڑھتی گئیں

زخم کھا کر مسکراتے ہی رہے

دل کی یہ خاموشیاں بڑھتی گئیں

سوچتے ہی سوچتے گزرا سفر

خواب کی سرمستیاں بڑھتی گئیں

zist mein tarikiyan barhti gain

lamha lamha siskiyan barhti gain

be zaban jab ho gai ye zindagi

zehn mein sargoshiyan barhti gain

khwahishon ke phul murjhane lage

phir miri ye hichkiyan barhti gain

zakhm kha kar muskurate hi rahe

dil ki ye khamoshiyan barhti gain

sochte hi sochte guzra safar

khwab ki sarmastiyan barhti gain