وحشتوں کا آج پھر چرچا رہا

وحشتوں کا آج پھر چرچا رہا

آج پھر یہ دل مرا ٹھہرا رہا

وادیوں میں زندگی مرتی رہی

درد آنکھوں سے مرے بہتا رہا

پتھروں کے وار وہ سہتے گئے

آئنوں کے ساتھ یہ قصہ رہا

مسئلے شمع بجھا کر تھک گئے

شوق کا سورج مگر جلتا رہا

زندگی اپنا سفر کرتی گئی

روبرو آنکھوں کے اک چہرہ رہا

منتشر تھے دھڑکنوں کے ساز بھی

دل مسلسل رات بھر تنہا رہا

زخم دے کر تھک گئی یہ زندگی

خواب آنکھوں میں مگر ٹھہرا رہا

wahshaton ka aj phir charcha raha

aj phir ye dil mira thahra raha

wadiyon mein zindagi marti rahi

dard ankhon se mire bahta raha

pattharon ke war wo sahte gae

ainon ke sath ye qissa raha

masale sham-e-bujha kar thak gae

shauq ka suraj magar jalta raha

zindagi apna safar karti gai

rubaru ankhon ke ik chehra raha

muntashir the dharkanon ke saz bhi

dil musalsal rat bhar tanha raha

zakhm de kar thak gai ye zindagi

khwab ankhon mein magar thahra raha