جاہ و حشمت کے لئے رتبہ و عزت کے لئے

جاہ و حشمت کے لئے رتبہ و عزت کے لئے

لوگ بدنام ہوئے جاتے ہیں شہرت کے لئے

اب ہمیں ننگ جہاں کہتے ہیں کہنے والے

ہم تھے مشہور زمانے میں شرافت کے لئے

پھوٹ سکتی ہیں کہیں سے بھی کشش کی کرنیں

پردۂ چشم ہی کافی نہیں عورت کے لئے

ٹوٹ کر اپنے بکھرنے کا نہ ہوتا احساس

تم نہ تیار ہوئے ہوتے جو ہجرت کے لئے

انگنت لوگوں کی گمنام خوشی ہے قیصرؔ

شاعری میں نہیں کرتا کسی خلعت کے لئے

jah-o-hashmat ke liye rutba-o-izzat ke liye

log badnam hue jate hain shohrat ke liye

ab hamen nang-e-jahan kahte hain kahne wale

ham the mashhur zamane mein sharafat ke liye

phut sakti hain kahin se bhi kashish ki kirnen

parda-e-chashm hi kafi nahin aurat ke liye

tut kar apne bikharne ka na hota ehsas

tum na tayyar hue hote jo hijrat ke liye

anginat logon ki gumnam khushi hai qaisar

shayari mein nahin karta kisi khilat ke liye