عکس کی کہانی کا اقتباس ہم ہی تھے

عکس کی کہانی کا اقتباس ہم ہی تھے

آئنے کے باہر بھی آس پاس ہم ہی تھے

جب شعور انسانی رابطے کا پیاسا تھا

حرف و صوت علم و فن کی اساس ہم ہی تھے

فاصلوں نے لمحوں کو منتشر کیا تو پھر

اعتبار ہستی کی ایک آس ہم ہی تھے

مقتدر محبت کی شکوہ سنج محفل میں

خامشی کو اپنائے پر سپاس ہم ہی تھے

خواب کو حقیقت کا روپ کوئی کیا دیتا

منعکس تصور کا انعکاس ہم ہی تھے

aks ki kahani ka iqtibas ham hi the

aine ke bahar bhi as pas ham hi the

jab shuur-e-insani rabte ka pyasa tha

harf-o-saut ilm-o-fan ki asas ham hi the

faslon ne lamhon ko muntashir kiya to phir

etibar-e-hasti ki ek as ham hi the

muqtadir mohabbat ki shikwa sanj-e-mahfil mein

khamushi ko apnae par sipas ham hi the

khwab ko haqiqat ka rup koi kya deta

munakis tasawwur ka inikas ham hi the