گرچہ محفوظ رہے پھول ثمر ہونے تک

گرچہ محفوظ رہے پھول ثمر ہونے تک

پھر انہیں روک نہ پاؤ گے شجر ہونے تک

دل میں بس جاؤ کہ یہ در بدری ٹھیک نہیں

اس مکاں میں ہی رہو تم کوئی گھر ہونے تک

تم تو سورج کے پرستار ہو تم کیا جانو

کیا گزر جاتی ہے اک شب پہ سحر ہونے تک

تھکنے والے نہیں اس راہ کے راہی ہرگز

کرتے جائیں گے سفر گرد سفر ہونے تک

حوصلے ذرۂ ناچیز کے دیکھو قیصرؔ

ظلمت شب سے لڑے شمس و قمر ہونے تک

garche mahfuz rahe phul samar hone tak

phir unhen rok na paoge shajar hone tak

dil mein bas jao ke ye dar badri thik nahin

is makan mein hi raho tum koi ghar hone tak

tum to suraj ke parastar ho tum kya jano

kya guzar jati hai ik shab pe sahar hone tak

thakne wale nahin is rah ke rahi hargiz

karte jaenge safar gard-e-safar hone tak

hausle zarra-e-nachiz ke dekho qaisar

zulmat-e-shab se lare shams-o-qamar hone tak