سنبھل سنبھل کے یہاں زندگی بسر کی ہے

سنبھل سنبھل کے یہاں زندگی بسر کی ہے

بڑی طویل کہانی تھی مختصر کی ہے

تو مجھ کو خاک سمجھتا ہے خاک سمجھا کر

مگر یہ دیکھ کہ یہ خاک کس کے در کی ہے

وہ جس کی چھاؤں میں آنے سے جسم جل جائے

تری مثال تو اے دوست اس شجر کی ہے

تمہاری یاد کا مرہم لگائے پھرتے ہیں

یہ چوٹ تم نے جو دی ہے وہ عمر بھر کی ہے

نہ صرف پاؤں ہوئے ذہن و دل بھی شل جس میں

تھکن تو آج بھی قیصرؔ اسی سفر کی ہے

sambhal sambhal ke yahan zindagi basar ki hai

bari tawil kahani thi mukhtasar ki hai

tu mujh ko khak samajhta hai khak samjha kar

magar ye dekh ke ye khak kis ke dar ki hai

wo jis ki chhaon mein ane se jism jal jae

tiri misal to ai dost is shajar ki hai

tumhari yad ka marham lagae phirte hain

ye chot tum ne jo di hai wo umr bhar ki hai

na sirf paon hue zehn-o-dil bhi shil jis mein

thakan to aj bhi qaisar isi safar ki hai