اس طرح درد کا تم اپنے مداوا کرنا

اس طرح درد کا تم اپنے مداوا کرنا

یاد ماضی کو چراغ رہ فردا کرنا

تیری دزدیدہ نگاہی کے میں سو بار نثار

دیکھنے والے اسی چاہ سے دیکھا کرنا

حشر تک جینے کا ارمان لیے بیٹھا ہوں

تم ذرا زیست کے اسباب مہیا کرنا

خواہش دید کی توہین ہے جلووں کا خیال

میری نظروں کا تقاضا ہے کہ پردا کرنا

ایک احسان ہے قدرت کی جفا کاری پر

اس کی دنیا میں بھی جینے کی تمنا کرنا

میری تسکیں کے لیے پھر کوئی وعدہ کیجے

آپ پر فرض نہیں وعدہ کا ایفا کرنا

حسن بیتاب ہو خود وصل کی خاطر اے حبیبؔ

عشق کو چاہئے انداز وہ پیدا کرنا

is tarah dard ka tum apne mudawa karna

yad mazi ko charagh-e-rah-e-farda karna

teri duzdida nigahi ke main sau bar nisar

dekhne wale isi chah se dekha karna

hashr tak jine ka arman liye baitha hun

tum zara zist ke asbab mahiya karna

khwahish-e-did ki tauhin hai jalwon ka khayal

meri nazron ka taqaza hai ke parda karna

ek ehsan hai qudrat ki jafa kari par

us ki duniya mein bhi jine ki tamanna karna

meri taskin ke liye phir koi waada kije

ap par farz nahin waada ka ifa karna

husn-e-betab ho khud wasl ki khatir ai habib

ishq ko chahiye andaz wo paida karna