ہیں دھبے تیغ قاتل کے جسے دھونے نہیں دیتے

ہیں دھبے تیغ قاتل کے جسے دھونے نہیں دیتے

مرے احباب تجدید وفا ہونے نہیں دیتے

مری وحشت کے سائے جھانکتے رہتے ہیں روزن سے

یہ آدم خور مجھ کو رات بھر سونے نہیں دیتے

شکست آرزو رسوائی فکر و نظر پیہم

یہی حالات مجھ کو آپ کا ہونے نہیں دیتے

تقاضائے وفا میں بھی ستم کا ایک پہلو ہے

میں رونا چاہتا ہوں اور وہ رونے نہیں دیتے

حبیبؔ اپنی خطا تھی ہو گئے رسوا زمانے میں

کہ ہم صحن چمن میں بجلیاں بونے نہیں دیتے

hain dhabbe tegh-e-qatil ke jise dhone nahin dete

mire ahbab tajdid-e-wafa hone nahin dete

miri wahshat ke sae jhankte rahte hain rauzan se

ye adam khur mujh ko rat bhar sone nahin dete

shikast-e-arzu ruswai-e-fikr-o-nazar paiham

yahi halat mujh ko ap ka hone nahin dete

taqaza-e-wafa mein bhi sitam ka ek pahlu hai

main rona chahta hun aur wo rone nahin dete

habib apni khata thi ho gae ruswa zamane mein

ke ham sehn-e-chaman mein bijliyan bone nahin dete