وہ ہنس پڑا جنوں یہ مچلنے لگی حیات

وہ ہنس پڑا جنوں یہ مچلنے لگی حیات

ہاں ہاں یہی ادا یہی انداز التفات

وہ مسکرا رہے ہیں دھندھلکوں کی اوٹ سے

یوں آزما رہی ہے مجھے تلخیٔ حیات

آئے ہیں وہ جنوں میں پشیمانیاں لئے

کیا کیا فریب دیتا ہے حسن تصورات

بخشی ہے کس نے میرے جنوں کو یہ آگہی

سمجھا رہا ہے کون مجھے رمز کائنات

کیا کچھ نہیں ملا مجھے ہوش و خرد سے دور

قدموں میں کائنات تو مٹھی میں شش جہات

پھولوں سے اب نہ ربط نہ کانٹوں سے احتیاط

زیباؔ بدل رہے ہیں بتدریج واقعات

wo hans para junun ye machalne lagi hayat

han han yahi ada yahi andaz-e-iltifat

wo muskura rahe hain dhandhalkon ki ot se

yun azma rahi hai mujhe talkhi-e-hayat

ae hain wo junun mein pashemaniyan liye

kya kya fareb deta hai husn-e-tasawwurat

bakhshi hai kis ne mere junun ko ye agahi

samjha raha hai kaun mujhe ramz-e-kainat

kya kuchh nahin mila mujhe hosh-o-khirad se dur

qadmon mein kainat to mutthi mein shash jihat

phulon se ab na rabt na kanton se ehtiyat

zeba badal rahe hain batadrij-e-waqiat