زندگی نکھر آئی جھیل کر ستم تنہا

زندگی نکھر آئی جھیل کر ستم تنہا

تیرے در سے ہاتھ آیا بس یہی کرم تنہا

دھڑکنیں سناتی ہیں لا مکاں کے افسانے

کتنی داستانوں کو سن رہے ہیں ہم تنہا

منزلیں بلاتی ہیں جستجو مچلتی ہے

تیرگی کا عالم ہے اور ہر قدم تنہا

یہ بھی چھین لے آ کر گردش جہاں مجھ سے

چند آرزوئیں ہیں اور میرا دم تنہا

کاش کوئی قسمت سے جا کے اتنا کہہ دیتا

حوصلے مرے رہبر تیرے پیچ و خم تنہا

روح کے اجالوں نے تیرگی کو للکارا

ظلمتوں کی راہوں میں گھر گئے ہیں ہم تنہا

zindagi nikhar ai jhil kar sitam tanha

tere dar se hath aya bas yahi karam tanha

dharkanen sunati hain la makan ke afsane

kitni dastanon ko sun rahe hain ham tanha

manzilen bulati hain justuju machalti hai

tirgi ka alam hai aur har qadam tanha

ye bhi chhin le a kar gardish jahan mujh se

chand arzuen hain aur mera dam tanha

kash koi qismat se ja ke itna kah deta

hausle mire rahbar tere pech-o-kham tanha

ruh ke ujalon ne tirgi ko lalkara

zulmaton ki rahon mein ghar gae hain ham tanha