کل بچھڑتے ہوئے ضبط کا مرحلہ اس قدر تلخ تھا کیا بتاؤں اخی

کل بچھڑتے ہوئے ضبط کا مرحلہ اس قدر تلخ تھا کیا بتاؤں اخی

میری خاموشیوں کی چٹانوں کے اندر تھی میری صدا کیا بتاؤں اخی

تو ابھی روشنی اور اندھیرے میں کیا فرق ہے اس سے بالکل بھی واقف نہیں

ایک بجھتے دیے کی جو مجبور کرنوں نے مجھ سے کہا کیا بتاؤں اخی

وقت کے کینوس پر بنی اس برہنہ سی بے رنگ تصویر میں دیکھ لو

ان دنوں اس خیالوں کے جنگل میں میرے سوا کون تھا کیا بتاؤں اخی

شاعری اور محبت کے سب زاویے ایسے لوگوں کی آنکھوں پہ کھلتے نہیں

عمر بھر جن کے حصے میں آتا نہیں لمس کا ذائقہ کیا بتاؤں اخی

خواب پیڑوں کی صورت ہیں اور یہ کبھی خشک و بنجر زمینوں میں اگتے نہیں

اس لئے نیند سے بھاگنے والوں کو خواب کا فلسفہ کیا بتاؤں اخی

kal bichharte hue zabt ka marhala is qadar talkh tha kya bataun akhi

meri khamoshiyon ki chatanon ke andar thi meri sada kya bataun akhi

tu abhi raushni aur andhere mein kya farq hai us se bilkul bhi waqif nahin

ek bujhte diye ki jo majbur kirnon ne mujh se kaha kya bataun akhi

waqt ke kainwas par bani is barahna si be rang taswir mein dekh lo

in dinon is khayalon ke jangal mein mere siwa kaun tha kya bataun akhi

shayari aur mohabbat ke sab zawiye aise logon ki ankhon pe khulte nahin

umr bhar jin ke hisse mein ata nahin lams ka zaiqa kya bataun akhi

khwab peron ki surat hain aur ye kabhi khushk-o-banjar zaminon mein ugte nahin

is liye nind se bhagne walon ko khwab ka falsafa kya bataun akhi