ادھ بجھی سگرٹیں پڑی ہوئی ہیں

ادھ بجھی سگرٹیں پڑی ہوئی ہیں

رائیگاں کوششیں پڑی ہوئی ہیں

دشت میں کس نے شب گزاری ہے

ریت پر سلوٹیں پڑی ہوئی ہیں

چل رہا ہوں جو میں سہولت سے

سینکڑوں ٹھوکریں پڑی ہوئی ہیں

میں نے دیکھا ہے اک جہنم میں

کتنی ہی جنتیں پڑی ہوئی ہیں

عشق ہے تجھ سے یا مجھے تیری

عادتاً عادتیں پڑی ہوئی ہیں

adh bujhi sigriten pari hui hain

raigan koshishen pari hui hain

dasht mein kis ne shab guzari hai

ret par saluten pari hui hain

chal raha hun jo main suhulat se

sainkron thokaren pari hui hain

main ne dekha hai ik jahannam mein

kitni hi jannaten pari hui hain

ishq hai tujh se ya mujhe teri

adatan adaten pari hui hain