دلوں سے جب دور ہوگی نفرت نظر نظر میں خوشی ملے گی

دلوں سے جب دور ہوگی نفرت نظر نظر میں خوشی ملے گی

جہاں سے تاریکیاں مٹیں گی قدم قدم روشنی ملے گی

جہاں ہیں طوفاں کے تیز دھارے چھپا ہوا ہے وہیں پہ ساحل

فنا کی پر خوف وادیوں میں تمہیں نئی زندگی ملے گی

دلوں میں جن کے ہے عزم محکم انہیں ملیں گے نشان منزل

بھٹک رہے ہیں جو ظلمتوں میں انہیں نہ منزل کبھی ملے گی

ابھی تو ارمان جستجو ہے خوشی کی بے سود آرزو ہے

پہنچ کے منزل پہ کیا خبر ہے ملے گا غم یا خوشی ملے گی

جو خود غرض ہیں انہیں کو انجمؔ زمانہ کہتا ہے اپنا رہبر

کہ جن کے نقش قدم پہ چل کر فقط تمہیں گمرہی ملے گی

dilon se jab dur hogi nafrat nazar nazar mein khushi milegi

jahan se tarikiyan mitengi qadam qadam raushni milegi

jahan hain tufan ke tez dhare chhupa hua hai wahin pe sahil

fana ki par khauf wadiyon mein tumhen nai zindagi milegi

dilon mein jin ke hai azm-e-mohkam unhen milenge nishan-e-manzil

bhatak rahe hain jo zulmaton mein unhen na manzil kabhi milegi

abhi to arman justuju hai khushi ki be sud arzu hai

pahunch ke manzil pe kya khabar hai milega gham ya khushi milegi

jo khud gharaz hain unhen ko anjum zamana kahta hai apna rahbar

ke jin ke naqsh-e-qadam pe chal kar faqat tumhen gumrahi milegi