جھوٹ کو سچ کے لبادے میں نہیں رکھوں گا

جھوٹ کو سچ کے لبادے میں نہیں رکھوں گا

میں کسی شخص کو دھوکے میں نہیں رکھوں گا

میں اگل ڈالوں گا جو کچھ بھی ہے میرے دل میں

تیر پیوست میں سینے میں نہیں رکھوں گا

زندگی تجھ پہ میں لکھوں گا فسانہ اور پھر

کوئی رائے ترے بارے میں نہیں رکھوں گا

اپنے ہی بازو پہ رکھوں گا بھروسہ اب کے

میں دعاؤں کو سفینے میں نہیں رکھوں گا

بانٹ لے جو مری تنہائی مرا غم ایسی

کوئی بھی چیز میں کمرے میں نہیں رکھوں گا

jhut ko sach ke labade mein nahin rakhunga

main kisi shakhs ko dhoke mein nahin rakhunga

main ugal dalunga jo kuchh bhi hai mere dil mein

tir paiwast mein sine mein nahin rakhunga

zindagi tujh pe main likhunga fasana aur phir

koi rae tire bare mein nahin rakhunga

apne hi bazu pe rakhunga bharosa ab ke

main duaon ko safine mein nahin rakhunga

bant le jo miri tanhai mira gham aisi

koi bhi chiz mein kamre mein nahin rakhunga