ہے گرم انتخاب کا بازار دیکھنا

ہے گرم انتخاب کا بازار دیکھنا

اہل ہوس کے بکنے کی رفتار دیکھنا

ہوں گے ستم کے ہاتھوں گرفتار بے گناہ

توہین عدل بر سر دربار دیکھنا

تاریخ اپنے خون سے لکھیں گے پھر ہمیں

پیدا ہوئے ہیں پھر وہی آثار دیکھنا

میرے وطن کی آن پہ آنے نہ دے گا آنچ

کوئی تو ہوگا صاحب کردار دیکھنا

دکھلائے گا یہ وقت کرشمے نئے نئے

انسان کو پرکھنے کا معیار دیکھنا

ہم چاہتے ہیں بزم میں ایسی جگہ ملے

ممکن ہو تیری سمت لگاتار دیکھنا

حق بات کہہ گئی ہے بھری بزم میں غزلؔ

اس دور میں یہ جرأت اظہار دیکھنا

hai garm intikhab ka bazar dekhna

ahl-e-hawas ke bikne ki raftar dekhna

honge sitam ke hathon giraftar-e-be gunah

tauhin-e-adl bar sar-e-darbar dekhna

tarikh apne khun se likhenge phir hamen

paida hue hain phir wahi asar dekhna

mere watan ki an pe ane na dega anch

koi to hoga sahab-e-kirdar dekhna

dikhlaega ye waqt karishme nae nae

insan ko parakhne ka meyar dekhna

ham chahte hain bazm mein aisi jagah mile

mumkin ho teri samt lagatar dekhna

haq bat kah gai hai bhari bazm mein ghazal

is daur mein ye jurat-e-izhar dekhna