آزماؤں گی اسے میں بھی سحر ہونے تک

آزماؤں گی اسے میں بھی سحر ہونے تک

اپنے احساس کی حدت کو گہر ہونے تک

کچھ تو آداب محبت کا بھرم ہی رکھتے

وقت تو لگتا ہے کونپل کو شجر ہونے تک

اپنی دیوانگئ شوق کا کیا حال کہیں

خاک ہو جائیں گے ہم ان کو خبر ہونے تک

وقت ہے اب بھی غزلؔ روک لو اس کو بڑھ کر

کون ملتا ہے دعاؤں میں اثر ہونے تک

azmaungi use main bhi sahar hone tak

apne ehsas ki hiddat ko guhar hone tak

kuchh to adab-e-mohabbat ka bharam hi rakhte

waqt to lagta hai konpal ko shajar hone tak

apni diwangi-e-shauq ka kya hal kahin

khak ho jaenge ham un ko khabar hone tak

waqt hai ab bhi ghazal rok lo is ko barh kar

kaun milta hai duaon mein asar hone tak