دیکھی ہیں بزم شوق کی رعنائیاں بہت

دیکھی ہیں بزم شوق کی رعنائیاں بہت

لکھی تھیں پر نصیب میں تنہائیاں بہت

حیراں ہوں کس طرح سے وہ مقبول ہو گیا

کہنے کو اس کے ساتھ تھیں رسوائیاں بہت

ہم تو حصار ہجر سے باہر نہ جا سکے

اس کی تو شہر میں تھیں شناسائیاں بہت

کندن سا جسم جھوٹی انا پر لٹا دیا

کانوں میں گونجتی رہیں شہنائیاں بہت

خود اپنی ذات میں ہی مکمل غزلؔ ہیں ہم

دیکھی ہیں ہم نے حسن کی رعنائیاں بہت

dekhi hain bazm-e-shauq ki raanaiyan bahut

likhi thin par nasib mein tanhaiyan bahut

hairan hun kis tarah se wo maqbul ho gaya

kahne ko us ke sath thin ruswaiyan bahut

ham to hisar-e-hijr se bahar na ja sake

us ki to shahr mein thin shanasaiyan bahut

kundan sa jism jhuti ana par luta diya

kanon mein gunjti rahen shahnaiyan bahut

khud apni zat mein hi mukammal ghazal hain ham

dekhi hain ham ne husn ki raanaiyan bahut