شب فراق ہے اور ہم بھی غم کے مارے ہیں

شب فراق ہے اور ہم بھی غم کے مارے ہیں

تمہارے خواب ہی تنہائی کے سہارے ہیں

ہر اک خیال مرا آنسوؤں میں ڈھلتا ہے

یہ گیسو پھر بھی تری یاد میں سنوارے ہیں

وہ دور رہ کے بھی سانسوں سے بھی قریب رہے

بہت عجیب ہے اب تک وہ ہم کو پیارے ہیں

حیات اب تو یہی سوچتی گزرتی ہے

تمہاری طرح سے کیا ہم بھی تم کو پیارے ہیں

میں ان کو بھولنا چاہوں تو کس طرح بھولوں

مرے نصیب کے ٹوٹے ہوئے ستارے ہیں

گلہ نہیں ہے کسی سے جفا کا پھر بھی غزلؔ

کوئی بتائے تو کیا اب بھی وہ ہمارے ہیں

shab-e-firaq hai aur ham bhi gham ke mare hain

tumhare khwab hi tanhai ke sahare hain

har ik khayal mira ansuon mein dhalta hai

ye gesu phir bhi tiri yad mein sanware hain

wo dur rah ke bhi sanson se bhi qarib rahe

bahut ajib hai ab tak wo ham ko pyare hain

hayat ab to yahi sochti guzarti hai

tumhari tarah se kya ham bhi tum ko pyare hain

main un ko bhulna chahun to kis tarah bhulun

mire nasib ke tute hue sitare hain

gila nahin hai kisi se jafa ka phir bhi ghazal

koi batae to kya ab bhi wo hamare hain