دل پہ گراں ہے ذکر فراق و وصال بھی

دل پہ گراں ہے ذکر فراق و وصال بھی

گزرے ہیں تیرے بعد کئی ماہ و سال بھی

ترک تعلقات پہ نادم ہے وہ بہت

اوروں سے پوچھتا ہے وہ اب میرا حال بھی

ناکام عشق زندۂ جاوید ہو گئے

تاریخ عشق دیتی ہے ایسی مثال بھی

کیا عشق میرے دور میں ناپید ہو گیا

آتا ہے گاہے گاہے یہ دل میں خیال بھی

دل پھر کسی کی یاد سے گھبرا گیا غزلؔ

لگتی ہے آج مجھ کو طبیعت نڈھال بھی

dil pe giran hai zikr-e-firaq-o-wisal bhi

guzre hain tere baad kai mah-o-sal bhi

tark-e-taalluqat pe nadim hai wo bahut

auron se puchhta hai wo ab mera hal bhi

nakam-e-ishq zinda-e-jawed ho gae

tarikh ishq deti hai aisi misal bhi

kya ishq mere daur mein napaid ho gaya

ata hai gahe gahe ye dil mein khayal bhi

dil phir kisi ki yad se ghabra gaya ghazal

lagti hai aj mujh ko tabiat nidhal bhi