کبھی جو خط مجھے لکھنا محبتیں لکھنا

کبھی جو خط مجھے لکھنا محبتیں لکھنا

برا شگون ہے ہر دم شکایتیں لکھنا

یہ زیست اور بھی نکھرے گی پیار کرنے سے

جو میرے ہجر میں گزریں قیامتیں لکھنا

تقاضہ تم سے کروں گی تو روٹھ جاؤ گے

پسند کب ہے مجھے بھی شکایتیں لکھنا

تم آتے جاتے رہو یہ بہت ہے میرے لئے

نہ آ سکو جو کبھی تم قباحتیں لکھنا

تم اپنے شعروں میں وہ زندہ لفظ لکھو غزلؔ

محبتوں سے ہوں پیدا کرامتیں لکھنا

kabhi jo khat mujhe likhna mohabbaten likhna

bura shugun hai har dam shikayaten likhna

ye zist aur bhi nikhregi pyar karne se

jo mere hijr mein guzren qayamaten likhna

taqaza tum se karungi to ruth jaoge

pasand kab hai mujhe bhi shikayaten likhna

tum ate jate raho ye bahut hai mere liye

na a sako jo kabhi tum qabahaten likhna

tum apne sheron mein wo zinda lafz likho ghazal

mohabbaton se hun paida karamaten likhna