جہاں میں خود کو بنانے میں دیر لگتی ہے

جہاں میں خود کو بنانے میں دیر لگتی ہے

کسی مقام پہ آنے میں دیر لگتی ہے

عروج وقت پہ جانے میں دیر لگتی ہے

ہر ایک علم کو پانے میں دیر لگتی ہے

پھر ان کے پاس بھی جانے میں دیر لگتی ہے

ہمیشہ ان کو منانے میں دیر لگتی ہے

ہمارے شہر محلے گلی کا اب ماحول

بگڑ گیا تو بنانے میں دیر لگتی ہے

انا کی سوچ کو یا پھر انا کے ہونٹوں کو

غموں کا حال بتانے میں دیر لگتی ہے

ہے حسن والوں کا انداز یہ زمانے میں

ہے عشق پھر بھی جتانے میں دیر لگتی ہے

یہ بات آئے گی تم کو سمجھ میں کب فیاضؔ

بلندی ملنے میں پانے میں دیر لگتی ہے

jahan mein khud ko banane mein der lagti hai

kisi maqam pe ane mein der lagti hai

uruj waqt pe jane mein der lagti hai

har ek ilm ko pane mein der lagti hai

phir un ke pas bhi jane mein der lagti hai

hamesha un ko manane mein der lagti hai

hamare shahr mohalle gali ka ab mahaul

bigar gaya to banane mein der lagti hai

ana ki soch ko ya phir ana ke honton ko

ghamon ka hal batane mein der lagti hai

hai husn walon ka andaz ye zamane mein

hai ishq phir bhi jatane mein der lagti hai

ye bat aegi tum ko samajh mein kab fayyaz

bulandi milne mein pane mein der lagti hai