غم ہے یا پھر یہ غم شناسی ہے

غم ہے یا پھر یہ غم شناسی ہے

میرے اندر بہت اداسی ہے

بانجھ منظر بھی دیکھ کر خوش ہوں

جانے کیسی یہ بد حواسی ہے

خامشی کا طویل جنگل ہے

اور کہیں دور اک صدا سی ہے

اور کچھ دیر میں نہیں ہوگی

مجھ پہ جو تازگی ذرا سی ہے

میں بھی بندوں سے پیار کرتا ہوں

اک صفت مجھ میں یہ خدا سی ہے

نظم غزلیں فسانے لکھنا بھی

ایک طرح کی بے لباسی ہے

gham hai ya phir ye gham shanasi hai

mere andar bahut udasi hai

banjh manzar bhi dekh kar khush hun

jane kaisi ye bad hawasi hai

khamushi ka tawil jangal hai

aur kahin dur ik sada si hai

aur kuchh der mein nahin hogi

mujh pe jo tazgi zara si hai

main bhi bandon se pyar karta hun

ik sifat mujh mein ye khuda si hai

nazm ghazlen fasane likhna bhi

ek tarah ki be libasi hai