جنوں کو طاری نہ کرتا تو اور کیا کرتا

جنوں کو طاری نہ کرتا تو اور کیا کرتا

فقیر مستی نہ کرتا تو اور کیا کرتا

مرے علاوہ کوئی ہم سفر نہ تھا میرا

میں خود کلامی نہ کرتا تو اور کیا کرتا

میں آ گیا تھا محبت کی آخری حد تک

میں بے وفائی نہ کرتا تو اور کیا کرتا

سما گئی تھی مرے سر میں ریل کی چھک چھک

میں خود کشی ہی نہ کرتا تو اور کیا کرتا

وہ سیدھی بات ہمیشہ الٹ سمجھتا تھا

میں بات الٹی نہ کرتا تو اور کیا کرتا

میں سننا چاہتا تھا شور اپنے اندر کا

میں بند کھڑکی نہ کرتا تو اور کیا کرتا

junun ko tari na karta to aur kya karta

faqir masti na karta to aur kiya karta

mire alawa koi ham safar na tha mera

main khud kalami na karta to aur kya karta

main a gaya tha mohabbat ki akhiri had tak

main be wafai na karta to aur kiya karta

sama gai thi mire sar mein rel ki chhak chhak

main khud kashi hi na karta to aur kiya karta

wo sidhi bat hamesha ulat samajhta tha

main bat ulti na karta to aur kiya karta

main sunna chahta tha shor apne andar ka

main band khirki na karta to aur kiya karta