رند بادہ نوش جس کا مے کدے میں نام تھا

رند بادہ نوش جس کا مے کدے میں نام تھا

ساقیا محفل میں تیری وہ ہی تشنہ کام تھا

اس جہان آرزو میں آشنا کوئی نہ تھا

تھا اگر کچھ آشنا تو درد بے آرام تھا

آج کیوں عظمت کا پرچم ہے ہمارا سرنگوں

بام و در پر شہر کے کل تک اسی کا نام تھا

جلتے رہنا کینہ و بغض و حسد کی آگ میں

کیا ترے اسلاف کا اے دل یہی پیغام تھا

ہر طرف سونا سماں تھا خامشی کا راج تھا

جو بھی طیر خوش نوا تھا وہ اسیر دام تھا

ماسوا اس نیم جاں اور بے کس و نادار کے

فیضؔ تیرا تھا سبھی پر اور لطف عام تھا

rind-e-bada nosh jis ka mai kade mein nam tha

saqiya mahfil mein teri wo hi tishna kam tha

is jahan-e-arzu mein ashna koi na tha

tha agar kuchh ashna to dard-e-be aram tha

aj kyun azmat ka parcham hai hamara sarnigun

bam-o-dar par shahr ke kal tak usi ka nam tha

jalte rahna kina-o-bughz-o-hasad ki ag mein

kya tire aslaf ka ai dil yahi paigham tha

har taraf sona saman tha khamushi ka raj tha

jo bhi tair-e-khush nawa tha wo asir-e-dam tha

masiwa is nim jan aur be kis-o-nadar ke

faiz tera tha sabhi par aur lutf-e-am tha