حسیں لمحے گزر گئے یارو

حسیں لمحے گزر گئے یارو

خواب سارے بکھر گئے یارو

میں تو تنہا سا رہ رہا تھا مگر

کہ وہ دل میں اتر گئے یارو

میری منزل بنا وہی رستہ

وہ جدھر سے گزر گئے یارو

اب تو جینے سے خوف آتا ہے

جانے کیا دل پہ کر گئے یارو

وہ ہی گھبرا رہا تھا ملنے سے

ہم تو شام و سحر گئے یارو

آنسو اعجازؔ کے نہ تھمتے تھے

جب بھی اس کے نگر گئے یارو

hasin lamhe guzar gae yaro

khwab sare bikhar gae yaro

main to tanha sa rah raha tha magar

ke wo dil mein utar gae yaro

meri manzil bana wahi rasta

wo jidhar se guzar gae yaro

ab to jine se khauf ata hai

jane kya dil pe kar gae yaro

wo hi ghabra raha tha milne se

ham to sham-o-sahar gae yaro

ansu ejaz ke na thamte the

jab bhi us ke nagar gae yaro