شب وعدہ اندھیرا چھا گیا کیا تم نہ آؤ گے

شب وعدہ اندھیرا چھا گیا کیا تم نہ آؤ گے

فلک پر چاند بھی کجلا گیا کیا تم نہ آؤ گے

تمہارا ہجر آفت ڈھا گیا کیا تم نہ آؤ گے

ہمارا دل بہت گھبرا گیا کیا تم نہ آؤ گے

چمن میں ہر طرف گلہائے رنگیں مسکرا اٹھے

بہاروں کا زمانہ آ گیا کیا تم نہ آؤ گے

ہماری جان پر بن آتی ہے دور محبت میں

جنون دل قیامت ڈھا گیا کیا تم نہ آؤ گے

کہاں تک انتظار جلوہ میں تڑپیں مری آنکھیں

دل بے تاب اب گھبرا گیا کیا تم نہ آؤ گے

مریض درد و غم پر نزع کا عالم ہوا طاری

سر بالیں زمانہ آ گیا کیا تم نہ آؤ گے

سر مے خانہ اک دنیا چلی آتی ہے پینے کو

وہ دیکھو مست بادل چھا گیا کیا تم نہ آؤ گے

دم آخر نہ تھیں کچھ اور باتیں اس کے ہونٹوں پر

مریض غم یہی کہتا رہا کیا تم نہ آؤ گے

تمہاری یاد میں اعجازؔ اپنے ہوش کھو بیٹھا

اسے تنہائی کا غم کھا گیا کیا تم نہ آؤ گے

shab-e-waada andhera chha gaya kya tum na aoge

falak par chand bhi kajla gaya kya tum na aoge

tumhara hijr afat dha gaya kya tum na aoge

hamara dil bahut ghabra gaya kya tum na aoge

chaman mein har taraf gulhae rangin muskura uthe

baharon ka zamana a gaya kya tum na aoge

hamari jan par ban ati hai daur-e-mohabbat mein

junun-e-dil qayamat dha gaya kya tum na aoge

kahan tak intizar-e-jalwa mein tarpen miri ankhen

dil-e-be tab ab ghabra gaya kya tum na aoge

mariz-e-dard-o-gham par nazaa ka alam hua tari

sar-e-balin zamana a gaya kya tum na aoge

sar-e-mai khana ik duniya chali ati hai pine ko

wo dekho mast badal chha gaya kya tum na aoge

dam-e-akhir na thin kuchh aur baten us ke honton par

mariz-e-gham yahi kahta raha kya tum na aoge

tumhari yad mein ejaz apne hosh kho baitha

use tanhai ka gham kha gaya kya tum na aoge