ڈوبا ہوا سا خون میں خاور دکھائی دے
Faheem Amrohviڈوبا ہوا سا خون میں خاور دکھائی دے
گویا سحر میں شام کا منظر دکھائی دے
لوگو تمہارا شہر تو شیشے کا شہر ہے
پھر بھی ہر ایک ہاتھ میں پتھر دکھائی دے
مدت سے میرے گاؤں کے چولھے بھی سرد ہیں
لیکن اک آگ ہے کہ جو گھر گھر دکھائی دے
یہ کیا کہ میرے فکر و عمل میں تضاد ہے
مجھ کو تو کوئی میرے ہی اندر دکھائی دے
یہ راستہ نیا ہے ذرا غور تو کرو
شاید یہیں کہیں پہ مرا گھر دکھائی دے
duba hua sa khun mein khawar dikhai de
goya sahar mein sham ka manzar dikhai de
logo tumhara shahr to shishe ka shahr hai
phir bhi har ek hath mein patthar dikhai de
muddat se mere gaon ke chulhe bhi sard hain
lekin ik ag hai ke jo ghar ghar dikhai de
ye kya ke mere fikr-o-amal mein tazad hai
mujh ko to koi mere hi andar dikhai de
ye rasta naya hai zara ghaur to karo
shayad yahin kahin pe mira ghar dikhai de