سوچتا ہوں کدھر گئے ہم لوگ

سوچتا ہوں کدھر گئے ہم لوگ

جی رہے ہیں کہ مر گئے ہم لوگ

رات بھر ایک ایک جمع ہوئے

پو پھٹے ہی بکھر گئے ہم لوگ

اپنا گھر ڈھونڈنے کو کیا نکلے

جانے کس کس کے گھر گئے ہم لوگ

یہ مکاں شہر بھائی اور بہن

ان حدوں سے گزر گئے ہم لوگ

دل کہیں ہے تو دست و پا ہیں کہیں

جسم تقسیم کر گئے ہم لوگ

sochta hun kidhar gae ham log

ji rahe hain ke mar gae ham log

rat bhar ek ek jama hue

pau phate hi bikhar gae ham log

apna ghar dhundne ko kya nikle

jane kis kis ke ghar gae ham log

ye makan shahr bhai aur bahan

in hadon se guzar gae ham log

dil kahin hai to dast-o-pa hain kahin

jism taqsim kar gae ham log