برسر روزگار تھے پہلے

برسر روزگار تھے پہلے

ہم بھی یاروں کے یار تھے پہلے

آج یہ زیست ہم پہ بار سہی

زیست پر ہم بھی بار تھے پہلے

آج ہم وقت کو پکارتے ہیں

وقت کی ہم پکار تھے پہلے

آؤ اب ان کی چھاؤں بھی ڈھونڈیں

جو شجر سایہ دار تھے پہلے

گو کہ خوشیاں ہیں بے شمار مگر

غم بہت خوش گوار تھے پہلے

barsar-e-rozgar the pahle

ham bhi yaron ke yar the pahle

aj ye zist ham pe bar sahi

zist par ham bhi bar the pahle

aj ham waqt ko pukarte hain

waqt ki ham pukar the pahle

ao ab un ki chhaon bhi dhunden

jo shajar saya dar the pahle

go ke khushiyan hain be shumar magar

gham bahut khush gawar the pahle