ایسی ہی زمیں بنا رہا تھا

ایسی ہی زمیں بنا رہا تھا

پر اور کہیں بنا رہا تھا

اس بت نے جہاں بنایا تھا بت

میں برسوں وہیں بنا رہا تھا

میں رات بنا رہا تھا لیکن

تاریک نہیں بنا رہا تھا

سورج تو بنا رہا تھا رخسار

مہتاب جبیں بنا رہا تھا

ان آنکھوں کو چومتا ہوا میں

کچھ اور حسیں بنا رہا تھا

افسوس وہ بن نہیں سکا جو

میں اپنے تئیں بنا رہا تھا

مارا گیا بدگمانیاں میں

بیچارہ یقیں بنا رہا تھا

aisi hi zamin bana raha tha

par aur kahin bana raha tha

us but ne jahan banaya tha but

main barson wahin bana raha tha

main rat bana raha tha lekin

tarik nahin bana raha tha

suraj to bana raha tha rukhsar

mahtab jabin bana raha tha

in ankhon ko chumta hawa mein

kuchh aur hasin bana raha tha

afsos wo ban nahin saka jo

main apne tain bana raha tha

mara gaya badgumaniyan mein

bechara yaqin bana raha tha