مجرم ہوں اگر مجھ کو سزا کیوں نہیں دیتے

مجرم ہوں اگر مجھ کو سزا کیوں نہیں دیتے

اپنا ہوں تو پھر مجھ کو صدا کیوں نہیں دیتے

کچھ اور نہیں شکوہ شکایت ہی کرو تم

اس بجھتی محبت کو ہوا کیوں نہیں دیتے

تم لوٹ بھی جاؤ تو اثر دیر تلک ہو

ملتے ہوئے یہ ہاتھ دبا کیوں نہیں دیتے

پھر دیکھ کے صاحب جی اسی خاص نظر سے

امید کے غنچوں کو کھلا کیوں نہیں دیتے

اک بات ہی کہنی ہے مگر لوگ بہت ہیں

کچھ وقت مجھے ان کے سوا کیوں نہیں دیتے

mujrim hun agar mujh ko saza kyun nahin dete

apna hun to phir mujh ko sada kyun nahin dete

kuchh aur nahin shikwa shikayat hi karo tum

is bujhti mohabbat ko hua kyun nahin dete

tum laut bhi jao to asar der talak ho

milte hue ye hath daba kyun nahin dete

phir dekh ke sahab ji isi khas nazar se

ummid ke ghunchon ko khula kyun nahin dete

ik bat hi kahni hai magar log bahut hain

kuchh waqt mujhe un ke siwa kyun nahin dete