زیست تجھ بن گزار دوں گا میں

زیست تجھ بن گزار دوں گا میں

خواہشوں کو بھی مار دوں گا میں

یوں بھی یہ زندگی تو فانی ہے

تیرا صدقہ اتار دوں گا میں

جانتا ہوں سنی نہ جائے گی

پر صدا بار بار دوں گا میں

تیری رسوائی کا نہ ڈر ہو اگر

سر محشر پکار دوں گا میں

ساری دنیا کی نعمتیں دانشؔ

تری مسکاں پہ وار دوں گا میں

zist tujh bin guzar dunga mein

khwahishon ko bhi mar dunga mein

yun bhi ye zindagi to fani hai

tera sadqa utar dunga mein

janta hun suni na jaegi

par sada bar bar dunga mein

teri ruswai ka na dar ho agar

sar-e-mahshar pukar dunga mein

sari duniya ki nematen danish

tiri muskan pe war dunga mein