دل کو جس چیز کی حسرت ہے ہمیں جانتے ہیں

دل کو جس چیز کی حسرت ہے ہمیں جانتے ہیں

وہ کوئی چاند سی صورت ہے ہمیں جانتے ہیں

ہمیں کس شخص کی عادت ہے تمہی جانتے ہو

تمہیں کس شخص کی عادت ہے ہمیں جانتے ہیں

تیرا ہنسنا تو قیامت ہے ہمیں ہے معلوم

تیرا رونا بھی مصیبت ہے ہمیں جانتے ہیں

یوں تو دعویٰ ہے محبت کا تمہیں ہم سے مگر

تمہیں جس جس سے محبت ہے ہمیں جانتے ہیں

یوں تو آسان سا رستہ ہے تمہارے گھر کا

تیرے ملنے میں جو محنت ہے ہمیں جانتے ہیں

غم دوراں سے تو بیگانہ ہوئے ہیں دانشؔ

تیرے غم کی جو عنایت ہے ہمیں جانتے ہیں

dil ko jis chiz ki hasrat hai hamen jante hain

wo koi chand si surat hai hamen jante hain

hamen kis shakhs ki adat hai tumhi jante ho

tumhen kis shakhs ki adat hai hamen jante hain

tera hansna to qayamat hai hamen hai maalum

tera rona bhi musibat hai hamen jante hain

yun to daawa hai mohabbat ka tumhen ham se magar

tumhen jis jis se mohabbat hai hamen jante hain

yun to asan sa rasta hai tumhare ghar ka

tere milne mein jo mehnat hai hamen jante hain

gham-e-dauran se to begana hue hain danish

tere gham ki jo inayat hai hamen jante hain