تپتی زمیں پہ پاؤں نہ دھر اب بھی لوٹ جا

تپتی زمیں پہ پاؤں نہ دھر اب بھی لوٹ جا

کیوں ہو رہا ہے خاک بہ سر اب بھی لوٹ جا

اب تک کھلے ہوئے ہیں صداقت کے راستے

بند ہو نہ جائیں وقت کے در اب بھی لوٹ جا

اترا نہ تو نوشتۂ دیوار پڑھ بھی لے

دار و رسن کی بات نہ کر اب بھی لوٹ جا

آنکھوں کے بادبان سے ویرانیاں بھی دیکھ

کس درجہ لٹ چکا ہے یہ گھر اب بھی لوٹ جا

راہیؔ ابھی تو شام کی سرخی بجھی نہیں

ضد کر نہ لیت و لعل نہ کر اب بھی لوٹ جا

tapti zamin pe paon na dhar ab bhi laut ja

kyun ho raha hai khak ba sar ab bhi laut ja

ab tak khule hue hain sadaqat ke raste

band ho na jaen waqt ke dar ab bhi laut ja

utra na to nawashta-e-diwar parh bhi le

dar-o-rasan ki bat na kar ab bhi laut ja

ankhon ke badban se wiraniyan bhi dekh

kis darja lut chuka hai ye ghar ab bhi laut ja

rahi abhi to sham ki surkhi bujhi nahin

zid kar na let-o-laal na kar ab bhi laut ja