بہت اب ہو چکا گریہ چلو اب گھر کو جاتے ہیں

بہت اب ہو چکا گریہ چلو اب گھر کو جاتے ہیں

بہت سی باتیں کرتے ہیں بہت سا مسکراتے ہیں

کبھی پھر یہ سیہ راتیں ہمیں تنہا نہ پائیں گی

چلو ہم ساتھ میں مل کر ملن کا گیت گاتے ہیں

یہ شاید ان کی فطرت ہے یا مجھ کو ایسا لگتا ہے

بڑے ہی مان سے کچھ لوگ دل سے کھیل جاتے ہیں

ہمیں اچھے تھے وہ دن جب دلوں کے رشتے سچے تھے

غرض کے سارے بندے ہیں غرض سے ملنے آتے ہیں

ہمیں کچھ دوستوں کے ساتھ بیتے پل نہیں بھولے

ہم آنکھیں موند لیتے ہیں تو وہ پل لوٹ آتے ہیں

وہ ہوگا عشق یا پھر ہوگی کوئی ان کی مجبوری

کسی کے دل کا عالم ہم بھلا کب جان پاتے ہیں

خدا اپنا جہاں اپنا زمیں اپنی فلک اپنا

یہ سب کچھ اپنا ہے فیصلؔ مگر ہم بھول جاتے ہیں

bahut ab ho chuka girya chalo ab ghar ko jate hain

bahut si baten karte hain bahut sa muskurate hain

kabhi phir ye siyah raten hamen tanha na paengi

chalo ham sath mein mil kar milan ka git gate hain

ye shayad un ki fitrat hai ya mujh ko aisa lagta hai

bare hi man se kuchh log dil se khel jate hain

hamen achchhe the wo din jab dilon ke rishte sachche the

gharaz ke sare bande hain gharaz se milne ate hain

hamen kuchh doston ke sath bite pal nahin bhule

ham ankhen mund lete hain to wo pal laut ate hain

wo hoga ishq ya phir hogi koi un ki majburi

kisi ke dil ka alam ham bhala kab jan pate hain

khuda apna jahan apna zamin apni falak apna

ye sab kuchh apna hai faisal magar ham bhul jate hain