خواب و تعبیر بے نشاں میں تھا

خواب و تعبیر بے نشاں میں تھا

ایک روداد رائیگاں میں تھا

دو طرف تھا ہجوم صدیوں کا

ایک لمحہ سا درمیاں میں تھا

بہتے پانی پہ جس کی تھی بنیاد

خام مٹی کا وہ مکاں میں تھا

میں وہاں ہوں جہاں نہیں کوئی

کچھ نہیں تھا جہاں وہاں میں تھا

صورت نقطۂ حباب اعجازؔ

محرم بحر بیکراں میں تھا

khwab-o-taabir be nishan mein tha

ek rudad-e-raigan mein tha

do taraf tha hujum sadiyon ka

ek lamha sa darmiyan mein tha

bahte pani pe jis ki thi buniyad

kham mitti ka wo makan mein tha

main wahan hun jahan nahin koi

kuchh nahin tha jahan wahan main tha

surat-e-nuqta-e-habab ejaz

mahram bahr-e-bekaran mein tha