کاغذ کی وادیوں میں کرے یوں سفر غزل

کاغذ کی وادیوں میں کرے یوں سفر غزل

چھو لے جبین عرش وہ تخلیق کر غزل

کاغذ پہ اک حسین سا پیکر اتار لیں

تنہائی کے سفر میں رہے ہم سفر غزل

جس کے بھی قول و فعل میں یکسانیت ملے

سمجھو اسی کی آج ہے پیغامبر غزل

دست طلب سے بھیک تو ملنی نہیں تجھے

ایسا رہا خیال تو بے موت مر غزل

میرے سخن کی دوستو معراج دیکھیے

پڑھتی رہی غزل بھی مری رات بھر غزل

kaghaz ki wadiyon mein kare yun safar ghazal

chhu le jabin-e-arsh wo takhliq kar ghazal

kaghaz pe ik hasin sa paikar utar len

tanhai ke safar mein rahe ham safar ghazal

jis ke bhi qaul-o-fel mein yaksaniyyat mile

samjho usi ki aj hai paighambar ghazal

dast-e-talab se bhik to milni nahin tujhe

aisa raha khayal to be maut mar ghazal

mere sukhan ki dosto meraj dekhiye

parhti rahi ghazal bhi miri rat bhar ghazal