یوں تو سب کچھ کہا کرے کوئی

یوں تو سب کچھ کہا کرے کوئی

وہ نہ مانیں تو کیا کرے کوئی

جب وفا پر جفا کرے کوئی

الٹی دنیا کو کیا کرے کوئی

حال دیکھا مرا تو فرمایا

یوں نہ مجھ پر مرا کرے کوئی

درد رکتا نہیں کسی پہلو

ہائے ایسے میں کیا کرے کوئی

تھام کر دل کو آہ کرتا ہوں

پھر نہ مجھ سے گلہ کرے کوئی

ہیں مسیحا تو ہوں مجھے کیا کام

میری آ کر دوا کرے کوئی

وہ نہ آئے جو فاتحہ پڑھنے

اپنی تقدیر کیا کرے کوئی

مر گئے ہم اسی تمنا میں

دل کی باتیں سنا کرے کوئی

yun to sab kuchh kaha kare koi

wo na manen to kya kare koi

jab wafa par jafa kare koi

ulti duniya ko kya kare koi

hal dekha mira to farmaya

yun na mujh par mira kare koi

dard rukta nahin kisi pahlu

hae aise mein kya kare koi

tham kar dil ko ah karta hun

phir na mujh se gila kare koi

hain masiha to hun mujhe kiya kam

meri a kar dawa kare koi

wo na ae jo fatiha parhne

apni taqdir kya kare koi

mar gae ham isi tamanna mein

dil ki baten suna kare koi