ہم کلامی میں در و دیوار سے

ہم کلامی میں در و دیوار سے

کتنے جذبے رہ گئے اظہار سے

دھوپ بڑھتے ہی جدا ہو جائے گا

سایۂ دیوار بھی دیوار سے

ہجر کا لمحہ مکمل ہو گیا

روشنی جب کٹ گئی مینار سے

ٹوٹ کر بکھرے خود اپنے سوگ میں

دل لگا کر درد کے رخسار سے

نیم وا گلیاں چرا کر لائی ہیں

کیسا سپنا دیدۂ بے دار سے

کتنے ہی مایوس لمحوں کے بھنور

ہم نے ناپے ذہن کے پرکار سے

عمر بھر طارقؔ الجھتے ہی رہے

جسم کی گرتی ہوئی دیوار سے

ham kalami mein dar-o-diwar se

kitne jazbe rah gae izhar se

dhup barhte hi juda ho jaega

saya-e-diwar bhi diwar se

hijr ka lamha mukammal ho gaya

raushni jab kat gai minar se

tut kar bikhre khud apne sog mein

dil laga kar dard ke rukhsar se

nim wa galiyan chura kar lai hain

kaisa sapna dida-e-be dar se

kitne hi mayus lamhon ke bhanwar

ham ne nape zehn ke parkar se

umr bhar tariq ulajhte hi rahe

jism ki girti hui diwar se