تم کو میں جب سلام کرتا ہوں

تم کو میں جب سلام کرتا ہوں

تب فغاں گام گام کرتا ہوں

غنچہ و گل کی خستہ حالی کا

ذکر میں صبح و شام کرتا ہوں

بے ستوں کاٹ کر کھڑا ہوں میں

کوہ کن جیسے کام کرتا ہوں

آتش عشق جب جلاتی ہے

جل کے میں نوش جام کرتا ہوں

شعر ہوتا نہیں ہے جب بابرؔ

اس کا کچھ اہتمام کرتا ہوں

tum ko main jab salam karta hun

tab fughan gam gam karta hun

ghuncha-o-gul ki khasta hali ka

zikr mein subh-o-sham karta hun

be sutun kat kar khara hun main

koh kin jaise kam karta hun

atish-e-ishq jab jalati hai

jal ke main nosh jam karta hun

sher hota nahin hai jab babar

us ka kuchh ehtimam karta hun