دل نے ہم سے عجب ہی کام لیا

دل نے ہم سے عجب ہی کام لیا

ہم کو بیچا مگر نہ دام لیا

دل سے آخر چراغ وصل بجھا

کیا تمنا نے انتقام لیا

پھر کبھی وہ نہ آئی ہم کو نظر

جس پری رو کا ہم نے نام لیا

تیری خاطر ہنوز ہم نے یہاں

لاکھ الزام اپنے نام لیا

تا دم مرگ عشق جیتا رہا

گور میں بھی مرا سلام لیا

dil ne ham se ajab hi kam liya

ham ko becha magar na dam liya

dil se akhir charagh-e-wasl bujha

kya tamanna ne intiqam liya

phir kabhi wo na ai ham ko nazar

jis pari ru ka ham ne nam liya

teri khatir hanoz ham ne yahan

lakh ilzam apne nam liya

ta dam-e-marg ishq jita raha

gor mein bhi mira salam liya