داستان غم تجھے بتلائیں کیا

داستان غم تجھے بتلائیں کیا

زخم سینے کے تجھے دکھلائیں کیا

سوچتے ہیں بھول جائیں سرزنش

مدتوں کی بات اب جتلائیں کیا

لوگ اس کی بات تو سنتے نہیں

خضر کو جنگل سے ہم بلوائیں کیا

روز تم وعدہ نیا لے لیتے ہو

پاس ان وعدوں کا ہم رکھ پائیں کیا

مفلسی نے جا بجا لوٹا ہمیں

اب بچا کچھ بھی نہیں لٹوائیں کیا

dastan-e-gham tujhe batlaen kya

zakhm sine ke tujhe dikhlaen kya

sochte hain bhul jaen sarzanish

muddaton ki bat ab jatlaen kya

log us ki bat to sunte nahin

khizr ko jangal se ham balwaen kya

roz tum waada naya le lete ho

pas in waadon ka ham rakh paen kya

muflisi ne ja baja lauta hamen

ab bacha kuchh bhi nahin lutwaen kya