کچھ بھی نہیں ہے پاس تمہاری دعا تو ہے

کچھ بھی نہیں ہے پاس تمہاری دعا تو ہے

اس شہر بے چراغ میں اک آسرا تو ہے

ہاتھوں میں میرے چاند ستارے نہیں تو کیا

دل میں ترے یقین کا روشن دیا تو ہے

رستے کی مشکلوں سے ہراساں ہے کس لیے

جس کا نہیں ہے کوئی بھی اس کا خدا تو ہے

کس سے چھپا رہا ہے تو دل کی کہانیاں

وہ حال روز و شب سے ترے آشنا تو ہے

انجمؔ کسی سے لاکھ بہانے کرے مگر

لیکن بچھڑ کے تجھ سے وہ بکھرا ہوا تو ہے

kuchh bhi nahin hai pas tumhari dua to hai

is shahr-e-be charagh mein ik asra to hai

hathon mein mere chand sitare nahin to kya

dil mein tire yaqin ka raushan diya to hai

raste ki mushkilon se hirasan hai kis liye

jis ka nahin hai koi bhi us ka khuda to hai

kis se chhupa raha hai to dil ki kahaniyan

wo hal roz-o-shab se tire ashna to hai

anjum kisi se lakh bahane kare magar

lekin bichhar ke tujh se wo bikhra hua to hai