ہوا چلی ہے نہ پتا کوئی ہلا اب تک

ہوا چلی ہے نہ پتا کوئی ہلا اب تک

وہی ہے ایک خموشی کا سلسلہ اب تک

وہ کون لوگ ہیں کس کی تلاش میں گم ہیں

ہمیں تو اپنا پتہ بھی نہیں ملا اب تک

تو اپنے چاہنے والوں سے آشنا نہ ہوئی

یہی تو تجھ سے ہے اے زیست اک گلا اب تک

کسی کا دامن صد چاک کیا رفو کرتے

کہ ہم سے اپنا بھی دامن نہیں سلا اب تک

وہی سفر وہی تارے وہی تھکن باقی

وہی ہے بجھتے چراغوں کا سلسلہ اب تک

پرانی بات میں کل کی سمجھ کے بھول گیا

مگر ہے زخم تمنائے دل کھلا اب تک

جسے میں ڈھونڈ رہا ہوں گلی گلی انجمؔ

وہ شخص مجھ سے بچھڑ کر نہیں ملا اب تک

hawa chali hai na patta koi hila ab tak

wahi hai ek khamoshi ka silsila ab tak

wo kaun log hain kis ki talash mein gum hain

hamen to apna pata bhi nahin mila ab tak

tu apne chahne walon se ashna na hui

yahi to tujh se hai ai zist ik gila ab tak

kisi ka daman-e-sad chak kya rafu karte

ke ham se apna bhi daman nahin sula ab tak

wahi safar wahi tare wahi thakan baqi

wahi hai bujhte charaghon ka silsila ab tak

purani bat mein kal ki samajh ke bhul gaya

magar hai zakhm-e-tamanna-e-dil khula ab tak

jise main dhund raha hun gali gali anjum

wo shakhs mujh se bichhar kar nahin mila ab tak