ہر دعا ہوگی بے اثر نہ سمجھ

ہر دعا ہوگی بے اثر نہ سمجھ

آج ناحق ہے آنکھ تر نہ سمجھ

زیست مشکل سہی مگر اے دوست

موت آسان رہ گزر نہ سمجھ

حوصلہ رکھ تو رہرو منزل

تھک کے رستے کو اپنا گھر نہ سمجھ

پوجتا ہوں میں پتھروں کے صنم

میرے دل میں ہے کوئی ڈر نہ سمجھ

جا بہ جا سن تو میری سرگوشی

میں فضا میں ہوں منتشر نہ سمجھ

جن چراغوں کی لو بہت کم ہے

ان چراغوں کو معتبر نہ سمجھ

میں تہی دست مفلس و نادار

تو مجھے دست بے ہنر نہ سمجھ

میں ہوں قائل تری پرستش کا

تجھ سے مانگوں گا میں گہر نہ سمجھ

تیری دستک کا منتظر انجمؔ

شہر میں ہوگا کوئی در نہ سمجھ

har dua hogi be asar na samajh

aj nahaq hai ankh tar na samajh

zist mushkil sahi magar ai dost

maut asan rah guzar na samajh

hausla rakh to rahrau-e-manzil

thak ke raste ko apna ghar na samajh

pujta hun main pattharon ke sanam

mere dil mein hai koi dar na samajh

ja ba ja sun to meri sargoshi

main faza mein hun muntashir na samajh

jin charaghon ki lau bahut kam hai

in charaghon ko motabar na samajh

main tahi dast-e-muflis-o-nadar

tu mujhe dast-e-be hunar na samajh

main hun qail tiri parastish ka

tujh se mangunga mein guhar na samajh

teri dastak ka muntazir anjum

shahr mein hoga koi dar na samajh