آزمائش میں کٹی کچھ امتحانوں میں رہی

آزمائش میں کٹی کچھ امتحانوں میں رہی

زندگی کن راستوں میں کن ٹھکانوں میں رہی

وہ تو اک ہلکی سی دستک دے کے رخصت ہو گیا

اک صدا رس گھولتی دن رات کانوں میں رہی

لکھ گئی اپنے گھروں میں ایک کرب ناتمام

زندگی گویا ہمارے مہربانوں میں رہی

مٹ گئیں آنگن میں ساری کھیلتی پرچھائیاں

ایک بے کیفی مسلسل آشیانوں میں رہی

وہ زمیں کی سرحدوں میں ہی رہا انجمؔ مقیم

کیوں تلاش انسان کو پھر آسمانوں میں رہی

azmaish mein kati kuchh imtihanon mein rahi

zindagi kin raston mein kin thikanon mein rahi

wo to ik halki si dastak de ke rukhsat ho gaya

ik sada ras gholti din rat kanon mein rahi

likh gai apne gharon mein ek karb-e-natamam

zindagi goya hamare mehrbanon mein rahi

mit gain angan mein sari khelti parchhaiyan

ek be kaifi musalsal ashiyanon mein rahi

wo zamin ki sarhadon mein hi raha anjum muqim

kyun talash insan ko phir asmanon mein rahi